https://www.youtube.com/watch?v=6ufxGEsjZyoمادمت تنشد يارفيقي عن الحال
مالي على كتمانها عنك حيله
الصبر عن بوح الأحاسيس قتال
والبوح في بعض المواقف فشيله
لو كل مايطري على البال ينقال
ماكان شفت إن الثقيله ثقيله
ابطيت اكافح ضيقة البال بالبال
وادفع بلا هاجوسها كل ليله
لين أقبلت مثل السحابه.....بهمال
تشفي غليل أللي تزايد غليله
رعادها خيل تدابك وتختال
وبراقها لمع السيوف الصقيله
طاحت ولاوفق من حناياك منزال
وسع فضا صدرك لفيض المخيله
إن قيل ترعد؟؟ قلهم:صوت زلزال
وإن قيل تبرق شف لها أدناة حيله
مابي تناقلها هالقيل والقال
وتصير من بعد القصيره طويله
يابدر ماني عاااااااال لو صحتي عال
شفني من الصدمات نفسي عليله
اشيل حمل لو يشيله جبال
الله وأمانه غير تصبح نثيله
أرمي من هموم الزمن وأسحب ادبال
وانزل عن الجوكر وغيري يشيله
من كثر ماشفت بحياتي من انذال
بديت اشك ان النذاله فضيله
ماطاح من عيني رجل .....طاحوا رجال
ورجال يابن حنيف ماهي قليله
اقرب من اللي قالهم ضمن ماقال
راكان بن حثلين راعي الجزيله
هذا ولد عم وهذا ولد خال وهذا رفيق مالقينا بديله
سبحان منهو يابدر غير الحال
وحط الجفا بين الخليل وخليله
هذا الزمن يبغاله لسان دلال
(من يستحي هالوقت واعزتي له)
وقت به الراعي غدى راعي دلال
كل على طاريه ينفض شليله
ومن كان ساسه للردى مضرب امثال
اليوم يحسب من كبار القبيله
المال يابن حنيف ملعون ابو المال
ذل العزيز وعز ناس ذليله
للشاعر \\
خلف المشعان