صراحه قريتها وضحكتني بقوه
عشان كيذا حبيت تقروها ادري ان طويله شويه لاكن تضحك
يعني لاتتركون 10 سطور وتقرون سطر اقروها كلها
في الصبـــــااح البــــــااكر
تررربيتييييييت طااااط طاااااااااااط < ترى مو صوت منبـه صوت اخوي الصغير
وانا أقـوم ( وانا فيني النوم ) وأمسكـه وأعلقـه في ستـارة الغرفـه ..
المهـم واكمممل النـوم الا والشايب دااخل الغرفـه وشايفني معلق أخوي الصغير بالستارهـ .. طبعـًـأ مسك أقرب شيء عنده ( كالعاده العقال فوق رأسه قريب ) وأربـع محطـات من العقـال فصلت سلك الأحاسيس والنوم .. وقمممممـت على طول بعد ماقطـع حلمي في آشلي ( الحلقـه 65 ) < يتحلم على شكل حلقااااات .. المهـم وأصحى وانا متنح من الضرب وأقول : ياااااايبـه الى متى وانت تصحيني بـ عقال وتنومني بـ عجرهـ . ترى طفشت .. قال : قمممم وصل الفجر لأتوطى في بطنـك .. ( قلت بـ قلبي : ماعاد فيه بطن من كثر ماتتوطى بسم الله عليك ) .. المهم وأقوم اصلي الفجر .. وارجـع وانا داااااايخ فيني النوم ( من قوة النوم دخلت بيت الجيـران بالغلط ) بس أشوى طلعت سليمـه .. أستوعبت أنه مو بيتنـا وطلعت( أشوى ماطلع جارنا والله يخبزني ع الصبح ) .. المهم وارجع اكمممممل النـوم .. أتوقـع حتى أني مانمـت نص سااعـه الا والعقـآل بدأ يشتغل على ظهـري .. قم المدرسـه قـووم .. يالله يالله .. الخ .. وانااااا ساحب سيفون ع الوالد يصاارخ فوق رأسي ( لاتلوموني مانمـت الاا الساعه 2 بالليل ) .. هو يسحبني وانا متعلق بالبطااانيه .. ليييين عاد قطـع العقال فوق ظهـري .. وصحيت ( من قوة الضرب طلعت في ظهـري خطوط الطول والعرض وخط الأستواء ) .. المهـم .. وأصحى وانااا كلي نشااط ( الا من الضرب طلعت نشيط ) .. وافطـــر .. حي الله فطور . يعني أي كلام .. < ترى للحين نايم هههههه .. المهـم وانتظـر ( صعفـــق ) خويي يمرني عشان نطلـع للمدرسـه .. وشوي الا صوت يشبـه صوت مكينـه طياارهـ عند بابنااا .. عرفت انه صعفق .. واطلـع عند الباب وانا حاط الشماغ على أذني من قوة الصـــووت .. ويوم ركبت الا صعفق وجهه مخبـــوز .. بديت أشك أنه جاايه مخمس من واحد أفغاني على الصبح وأسألـه : سلااااامااات ياصديقي الصدووق ورااه وجهك طالع كأنه مطبق موز ... وهو يبتسـم ( وليته ماأبتسم ) قال : أبد الوالدهـ بتصحي أخوي الصغير صفقتي مخمس بالغلط < والله مأدري يبي يصرفني ولا أمـه حولا .. المهـم ونمشي بالخط .. لين وصلنـا المدرسـه .. ونوقف في المواقف الا ويتجمعون الشباب ( الدحمي , عزوز المرجوج , صنهات , منااحي .. الخ ) .. اللي يشوفنا يقول بيلعبون مبارااه ,, طبعـًـا كلنا في صف ثالث ثانوي .. يعني آخر سنـه .. المهـم وندخل المدرسـه ونحضر الطابور الصباحي .. اللي واقف قدامي بالطابور ( الدحمي ) .. والطلاب بصوت واحد يقولون النشيد الوطني < طلعنا روضـه .. وانا احاول أسمـع الدحمي يخربط مأدري وش يقول .. ( بديت أشك أنه يقول النشيد الوطني البنقالي ) .. الصراحه شكيت أنه سعودي .. المهم وبعد الطابور .. دخلنـا الفصـل .. وانواع الفلـه .. والسوالف .. وانا حااط رأسي وناايم .. شوي الا صعفـق يصحيني ( جاءء جااءء جااءء المدرس ) .. وانا سااحب سيفون ورايح بالرحلـه 656 نووووووم .. والحمد الله مأنتبـه نبيل متولي ويحضـرر الأسمـاء ,, وينااادي على أسمي .. وانا نااايم ويوم ناظر فيني الا وانا رافـع رأسي .. وهو يصاااارخ .. ماتسمـع أنت .. قلت الا أسمعك يوم كتبـت ( المادة : رياضيات ) .. قال : بتستعبط ياقزمـه ولا أيـه . قلت يامدرس أسمي / تركي ,, من وين جبت ذا القزمه .. والفصل أنوااااع الضحك على تناااحتي الغبيـه .. وهو يقول : يلاا ياعمي برى الفصل وخلييك وائف ائدام الفصل وماتروحشي يمين أو شمال .. وانا أمشي يوم قربت من عنده .. وهو يمحطني بالعصـا مع ( ......... ) .. وعلىىىى طوول صاروخ برى الفصل .. وهو يشرح لهـم انا ملصصصق وجهي في دريشـة الباب وأشر على الدحمي والشلـه اللي ورى .. أبي واحد يضحك .. عشان يطلعه معي وانبسط < نـذل .. هههههههه .. المهـم ويتفقـون الشلـه أنهم يسحبون علي ومايعطوني وجه . وانا أشر وأضحك واحرك الشمااغ ( وهم مأحد حولي ) .. الا والمدير ورااي .. وأسمعـه يقول : ياااااطاااالب .. وانا التفت الا المدير .. ( هو ونظاراته الي مأخذهـ ثلاااثـة اربـاع وجهه ) .. قلت في قلبي : رحت غلطـه فصل ثالث / 6 على الصبح .. ويفتح باب الفصل الا نبيل متولي خااش جو ( حتى مادرا أن الباب فتح ) ويسلم المدير .. وقال لـه : ليش الطالب هـذا واقف عند الفصل .. رد عليه المدرس : الطالب ده بيستعبطشي على الصبح < مأدري كم دقيقـه قاعد ينطق ( بيستعبطشي ) .. وانا مسوي الولد البرىء رديت على طول قلت ( قسمن عظمن ماأستعطبشي يامدير ) .. وأشوف الفصل يحاولون يضحكون بس كاتمين الضحكه عشان المدير .. وهو يناظر فيني قال تعال معي لـ غرفـة الأدارهـ .. ( كنت بقول لـه ثواني اكتب وصيـه لأهلي ) بس خفت استعبطشي مرهـ ثانيه على المدير واروح غلطـه .. وامشي مع المدير لـ غرفة الأدارهـ .. وادخل وياليتني مادخلت .. شفت لي منظر مرعب على الصبح .. مدرس الأحيـاء جالس ومعـه وكيل المدرسـه .. عاااااد هذا مدرس الأحيـاء لززقـه بقووهـ وازعااااج ) ويسلم المدير .. واسلم عليهـم .. قال مدرس الأحيـاء : اكييييييد أنك مسبب مشكله مع مدرس أو طالب .. قلت لا والله يامدرس .. نبيل متولي يقول أني ( أستعبطشي وانا واللهي ماأستعطبشي ابدن وانت عارف أني ماني راعي استعبطشات ) .. ومدرس الأحيـاء والوكيل يفطسسسسون من الضحك .. وقال المدير لي : أنت لازم نشوف لك حل ( قلت بصدري والله لو أنه اجتماع مجلس الأمه ) .. قلت يامدير حرام عليك انا من أفضل الطلاب الموجودين في المدرسـه خصـوصاً أني اقدم منك بالمدرسـه ( هو جاي للمدرسـه قبل اربـع سنوات )* وانا راسب في أول ثانوي ثلاث سنوات وثاني ثانوي سنتين وثالث ثانوي سنتيـن . يعني لي سبـع سنوات .. المهـم .. قال المدير : أنت كثير أزعااج .. وانواع الشكاوي عليك بالمدرسـه من المدرسيـن .. وغير الهروب من المدرسـه اللي كل يوم تسويه .. قاطعت كلامه قلت : انا ماهربت الا 66 مرهـ ومسوين زحمـه . وصعفـق هررب 85 مرهـ ماقلتوا شيء ؟؟؟؟ .. احس طلعت نخلـه في رأسـه هههههههههه .. قال انت متأكد من كلامك .. قلت : وانا أعرفك عشان أمزح معك .. وهو يعصب .. قال اطلع وخلك واقف عند الباب .. واوقف عند الباب .. وشوي الا ومدرس الأحياء طالع هو والوكيل .. ومن زين هآلوجه مدرس الأحيـاء وهو طالع يقول لي : ترى شوي عندي حصـه عندكم ماأبي ازعااااج منك .. قلت لـه : أبشـر طال عمرك .. ممكن تطلعوني اجيب بخور ابخر الفصل بوجودك .. وهو يبتسـم مالت عليـه مصدق شكلـه .. ومشى .. شوي الا البعير اللي داخل الغرفـه يصااارخ .. ياطاااالب تعااااال .. وانا واقف اضبط بالشماغ حقي وساااحب عليـه ويصارخ ياطالب .. واناا ساااحب سيفون .. وهو يطلـع معصصصصب .. يقول : مااااااتسمـع أنت يالووووووح .. قلت بهدوء : وش السالفـه يامديري العزيز .. قال ماتسمـع يوم اناديك .. قلت : أسمعك يوم تقول يااااطااااالب . قال وانت وشو ؟؟؟؟ ( يقولها من باب الأستهزاء ) .. رديت بكل برود : انا تركي طال عمرك . ويسحبني مع الشمااغ .. بغيت أموووت وقتهـا .. احس أنه بيبكي قال أنت لازم نفصلك .. أو لازم ننقلك مدرسـه ثاانيه .. أو أنك تستدعي ولي آمرررك .. أنت وضعك لاااازم الااازم له حل هاليومين .. قلت واللهي يامديري كان تبون الفكـه مني وتبوني اركـد أفصلو مدرس الرياضيات
< شين وقوي عين هههههههههه .. احس الدموع تنزل وهو يكلمني .. ( هآلوقت حسيت أني مطلع نخل في رؤوس المدرسيين والأدارهـ ) .. قال طيب أنت اللحين كيف تبي أتعامل معك حتى أنك تكون منضبط .. وعلى فكرهـ ترى السلوك عندك ( صفر ) .. قلت عز الطلب انا ابيـه صفر عشان أستقعد لكم بالمدرسـه .. وهو يعصب .. قال : يأخي نبيك تنجح وفكناااا من شرررك .. قلت واللهي معك خيارين يامديري العزيز .. : نجحوني بـ نسبـة 99% وخلوني الأول على مدارس الريـاض .. ولا حطوني مدرس فسحـه للطلاب .. قال أنت مهبوووول !!؟ ؟؟؟
< مسوي خوي المدير طااقهاا حنـك .. قلت واللهي هذي الخيارات عندك ولا بستقعد لكم بالمدرسـه 11 سنـه قداام .. كل سنـه برسب .. < دلاخه ههههههه .. المهـم قال خلك واقف برى لين أتـفاهم معك .. ويرررررن الجرررس ( يعني نهايه الحصه الأولى ) واناااا انط لغرفـه المدير ( حررررريقـه حررررريقـه ) وهو يطيح شماااااغـه ويرتبك وتلخببببط .. قال وين الحريقـه .. قلت لـه : ماتسمـع صوت الجرس .. قال يالوح ياجنط ياركبة نبيل متولي ( احلى مديرنا طلع خفيف دم ) هـذااااا صـوت الجررررررس حق الحصص اطلـــــــــــــــع برىىىىىىىى .. ويدفنـي واجيييك زااااحف على وجهي واسطر البـاب .. وانا اوقف وارتـز قدام غرفـة المدير الا نبيـل متولي جااي مسرع والعرق يصب من جبـهته .. ويوم مر من عنـدي قلت بصوت ( زي صوت الجوال الآلي ) : السلام واجب وردهُ سنه .. السلام واجب وردهُ سنه .. وهو يدخل غررررفـة المدير وهو مطرطــــع ومنهبـل مأدري وش قصتـه .. وانا أقرب للبـآب .. وأسمـع صوووته يصااارخ ( واتوقع انه يبكي ) / ياأبو عبدالله الوااد صعفــىء مايخشش الفصل تاااني .. وانقز عليهم بالغرفـه .. قلت لو سمحت أسم خويي ( صعـفق ) والمدير يحذف العقاااااااااال وهو يصااااارخ اطلع أنت يامال اللي مأدري وشو .................. الخ ... وقام يدعي .. الا وصعـفق جااي يمشي فااتح خشتـه ويناظر فيني ( كأنه مايعرفني ) قال لي : مامرك برميل من هناا يركض .. قلت لا والله : شطفني بعير منحاش من رااعيـه .. وهو يضحك ضحكـه غبيـه الا والمدير طااااالـع .. ويوم شاف صعفق نزلت دمـعة المدير ( خلاص انا أتوقـع أنه يبي يقدم أستقالـه من المدرسـه والسبب انـآ وصعفـق ) .. المهم ودخل الغرفـه ماتكلم ولا شيء ووجهه رايح فيهـا أتوقـع أرتفع عنده الضغط والسكر .. الا نبيل متولي ( مسوي المدير ) ينااادي : ياصعفـىء .. ياصعفـىء .. وصعفق يناظر فيني وهو مفهي يقول : هو ينااديني ولا ينادي عامل المقصـف ؟؟؟؟؟؟؟ .. قلت لا يمكن أنه يناادي عامل المقصف اسحب عليـه . ويطلـع من الغرفـه فوق رأسـه قروون ( من قوة العصبيـه ) ويسحب صعفق من حلقـه .. ويطيح شماغ صعفق وبقايا الأزرهـ عندي من قوووة السحبـه ( عاد ياحيليه صعفق مسواك يوم الجمعـه نحيييف مرهـ الولد ) .. المهم ويسألونه الى متى وانت مأنت عاقل .. الى متى وانت تدرس ليييه ماتعقل وتشد حيلك .. ومن هالكلام .. وانا اصارخ .. صعـفق ماعليك منهـم خلنـا نسوي تعـأهـد وصلح أنهم ينجحونـا بـ نسبـة 99 % ونطلـع من مدرستهـم << قلبـوهـآ أستعمـآر .. ويلحسون مخ صعفـق الغبي .. وبالكلام المعسـول .. ويطلـع صعفق وهو ساااااااااحب علي سحبـه قوويـه حتى أنه ماناظر فيني ورااح للفصل ( قلت بـ قلبي اجل من بكره صعفق شغال في مجموعـه التربيـه الأسلاميـه وبيتطوع ) .. أول مره صرااحه أشوفـه كذا هادىئ وعاااااااااقل ,.. المهم وينااادوني .. وادخل عليهـم بـ أبتساااامه رااايقـه والحقتهـا بـ كلمــة ( هاااي قاايز ) .. واتوقـع أنهم يبكون ماعاد فيهـم حيييييل .. وسكتوا .. قلت لهم : غريبه واحد مدير وواحد مدرس رياضيات مايعرفون يردون .. هاااااه وش بغيتوا ؟؟؟؟؟؟ < يناافخ اللحين ههههههه .. وهم يحاولون يلحسون مخي مثل صعفق الغبي .. ياتوووركي مايصحش اللي بتعملوه ده .. أنت يمكن اولادك بيدرسو معااك في المستئبـل .. قلت لـ نبيل :/ انا بدي أولادي يدرسوا معايا بنفس الفصل عشان محدش بيتعبطشي على حدش ( يعني عشآن مأيتعبسطون ويصيرون عآقلين ) .. المهـم المدير وهو بصووووت حزين وبـ نبرااات هادئـه يسودهآ نوم من الدلاخه : يآترركي الى متى وانت على حآلتك هـذي ؟ أزعجت مدرسينك وكل يوم شكاااوي ؟ ودي أعرف متى تنتهي هالحركات منك ؟ قلت واللهي يامديري انا محترمك الصراحه ( دقـه في مدرس الرياضيـاات ) .. واذا تبيني أصير عاقل سوو اللي قلت لك عليـه قبل شوي ( يعني أفصل مدرس الرياضيات ) ونبيل متولي .. مثل الكمخـه مايدري وش السالفـه .. وهو يدق دقات المدير من بعيد لبعيد / ياتركي طلبك صعب مرررررهـ .. قلت والله هذا الطلب .. ويقعد يصررف ومن هنا وهنا قال رح لـ فصلك وتعااااال لي الحصـه الخامسـه : قلت لو سمحت .. اللي يبيني يجيني في الفصل بايو .. < عربجي الولد .. واطلـع وهم احس أنهم بيسوون فيني عمليـه انتحاريه بطلهـا /: نبيل متولي .. المهــــــم وافتح بااااب الفصل الا مدرس الجيـولوجيـا يشرح للطلاب .. وأسلم عليـهم قلت ممكن ادخل ياطلاب .. وهو يناااظر فيني وانا أبتسـم بوجهه قلت / مزوووح ههههه .. ممكن ادخل يامدرس .. قال وين كنت .. قلت لـه كنت في غرفـه المدير .. نسوي خطـه لـ منتخب مدررستنـآ عشـانه بيلعـب النهـائي بعد يوميـن .. والفصصصل مفهين وضحك .. وقال ادخل ( يدري أنه لو طول كلام معي بينلحسس ) .. وادخل واجلس واناظر اللي جنبي واحد مصري ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ واناظر فيـه قلت ( ماشاء الله صعفق النسخـه المطورهـ ) من متى وانت هنا يالحبيب .. قال بصوت مصري : ياعمي صعفـىء ميييييين !؟ ) قلت ( صعفـىء الواد الغبي اللي كان بيقلس بالمكان ده ) < قلب مصري .. وهو يقعد يضحك وينااظر قداام .. وانا اسحب عليـه وافهـي بالسبـورهـ .. وعزوز المرجوج قداامي كل شوي ناااط بحلقي ,, هاه وش الخطه اللي بيدخل فيهـا منتخب مدرستنـآ للمبآرآه النهآئيـه .. وانا يرتفـع ضغطي من دلاختـه وادف الكرسي برجلي وهو يدخل بالماااااصـه .. والمدرس يلتفـت وش فيك ياعزوز ؟؟؟؟؟؟ قال ابد ابي دورهـ المياه بطني يوووووجعنـي ( وطلـع ) = أشوى صرف ولا رحت غلطه = المهم كالعاده وانا أقعد أتكلم مع المدرس في كل كلمـه .. اردد وراهـ مسوي الولد اللي يبي يفهـم .. وارفـع يدي يوم قال الصخور تكثر في منطقـه جزر القمر .. ومأدري وشو .. قلت يامدرس وش هي جزر القمر .. القمر أذكرهـ فوق كيف جاء تحت ؟؟ < سؤال غبي .. وهو يضحك / قال جزر القمر الاسم الرسمي: جمهورية جزر القمر الاتحادية الإسلامية ـ العاصمة : موروني. و ..... و ...... الخ ..
والسياااحه فيهـا و يقعــــــد يشرح وسحب على الدرس .. المهم وتنتهي الحصـه .. وانا أضحك عليـه قلت انتهـى الدرس وانت مزعجنـآ القمر والقمر وآخر شيء مافيه جزر أسمهـآ كذا وهو وجهه يطلـع أشـآرة مرور كلـه ألواااان قال تعال معـي .. واطلع معـه على وييييييييييييين ؟؟؟؟ على غرفة المدير .. وقبل لاندخل قلت لـ مدرس الجيولوجيـا بعد أذنك بروح دورهـ الميااه اضبط الشخصيـه بنقابل معالي المدير .. ويسحبني قال : أمششش بس بلا استهبال .. وادخل ويوم شافني المدير نزل رأسـه تحت ( وانا مبتسم كالعاده ) .. ويقول مدرس الجيولوجيا : الطالب هذا مزعج وماخلاني أشرح للطلاب درس اليوم خصوصاً أن درس اليوم مهم للطلاب .. قلت انا / يامدير سألته قلت " هل يوجد جزر أسمها القمر ؟ " ومسك فينا خط وش ذنبي انا ؟ < طلع منها .. ههههههه .. والمدرس يتلون وجهه .. قال المدير : كلام الطالب صحيح يامدرس ولا لا ؟ قال المدرس ايه كلامه صح قلت انا : الحممممممممد الله أني طلعت برىء .. ظهـر الحق وتكرفس الباااااااااااطل .. والمدير يناظر في المدرس قال له : اطلع وتعال بعد نص سااعه ,, والمدرس يطلـع وانااااااا مبسسسسسسوووط .. قلت للمدير : وش رأيك تعينـوني عندكم مدرس جيولوجيـا ؟ قال أقلب وجهك برى للفصل على طول ولا عاد تجي لو يطلعونك المدرسين .. رح لـ، غرفـة الوكيل , قلت : طاااااااااايب تآمر آمر ( أوريك يالوكيل أن ماطلعت نخل في جبهتـك ) .. المهم واطلع .. وادخل الفصل واناااااام .. ونطلع من المدرسـه الظهـــــررر .. وأيـآم وأيـآم حتى نجحـوني من المدرسـه وصرت عـآطل بـآطل
خلاااصة القصـه /
1 ) وفـاة المـدير بـ سبب أرتفـآع الضغط والسكـر في نهـآيـة العـآم الدراسي .
2 ) صعفـق تخـرج بـ نسبـة 89% ودخـل الجـآمعـه تخصص علـوم أسلاميـه .
3 ) انـآ طلعـت من المدرسـه عـآطل بـ نسبـــه 51% < الأخير على المملكه
4 ) نقـل مدرس الجيـولوجيـا تأديبي لـ ابتدائيـه في الفلبيـــن
5 ) نبيـل متـولي أصبـح من مدرس ريـآضيـآت الى مدير مدرسـه
6 ) الوكيـل أصبـح عـآمل نظـآفـه + عـآمل مقصـف < لأن نبيل حاااقد عليهم
موضوع: أيـآم الثـآنويـه ( رجه × رجه ) ادخل وصدقني مآرآح تنـدم 
الثلاثاء يونيو 17, 2008 9:02 am
