(حوار بين الإنسان والضمير)

عاد الانسان الى بيته بعد نتصف الليل بساعات وهو مرهق وجد زوجته

منتظرة ركل الباب بقوة والقى السلام بصوت لايكاد يسمع واتجه الى

غرفة نومه

جرت زوجته خلفه سالته تريد تتعشى؟

رد بجفاء لقد تعشيت مع الشلة

اريد فقط ان انام شغل المكيف واطفأ النور

ووضع رأسه على المخدة يريد النوم

فجأة سمع صوت من داخله يقول ايها الانسان تريد ان تنام . .

الانسان :نعم انا تعبان وواري دوام بكرة

الضمير :وانا ايضا تعبان .

الانسان :مين انت؟ كل ليلة تأتيني تقلقني وتطير النوم من عيني

الضمير : الم تعرفني بعد ؟ انا ضميرك ايه الانسان.انا ضميرك الذي اتعبته .

الانسان : انا تعبتك ولاحتى اعرفك .

الضمير سوف اعدد لك مافعلته طوال يومك لتعرف ماذا فعلت وكيف اتعبتي

الانسان : بس دحين ابغى انام تعال بعدين بكرة الصباح او أي وقت

الضمير : لا زي ماتعبتني في النهار انا اتعبك واطير النوم منعينك بالليل.

الانسان :ينقلب على الجانب الاخر ويغمض عينيه لينام ويعود صوت الضمير مرة اخرى.

الضمير : ما حاخليك تنام الين تسمعتي.
الانسان :قول ماعنك وخليني انام .

الضمير : نبدأ من الصبح. وضعت المنبه على الساعة الساعة والنصف اليس كذلك .

الانسان : نعم عشان الدوام يبدأ في هذه الساعة.

الضمير : ماذا عن صلاة الفجر اليس من المفروض ان تضع المنبه على موعد صلاة الفجر حيث يبدأيومك.الانسان :لما اقوم للعمل اصلي الفجر .

الضمير : تصلي الفجر بعد طلوع الشمس بساعات . وبعدين قمت من النوم مبوز ومكشر وتصرخ في زوجتك بدل ما تبتسم في وجهها وتقولها صباح الخير.

الانسان :كنت تعبان لاني مانمت كفاية , وماصحتني على الدوام .

الضمير : وهي ايه ذنبها لما انت تسهر طوال الليل وماترضى تصحى . وخرجت للعمل مسرع وقطعت عدة اشارات معرض نفسك وغيرك للخطر.

الانسان: كنت ابغى الحق الدوام قبل ماتقفل السجلات.

الضمير: وليه ماتخرج قبل موعد العمل بنصف ساعة بدل متخرج متأخر نصف ساعة .ورحت للعمل ووقعت حضور الساعة السابعة والنصف مع انك متأخر اكثر من ساعة. وضعيت ساعة وانت تفطر وتشرب الشاهي وساعة اخرى تتحدث مع زملائك عن سهرة الليلة الماضية .يعني ضيعت نصف اليوم.والمراجعين واقفين امامك وانت تصرخ فيهم ومبوز في وجوههم,وكل يوم تقلهم بكرة, ومعاملاتهم في درج مكتبك .وبعد كدا استأذنت من رئيسك وكذبت مدعي ان عندك مراجعة للمستشفى ورحت للاستراحة عشان تشيش,وما رجعت الا قبل نهاية ادوام بدقائق, يعني اليوم كله ضاع.

الانسان تنقلب الى الجانب الاخر ويحاول ان سد ااذنيه عن هذا الصوت ولكن الضمير يعود اليه مكملا.

الضمير: وبيتك وزوجتك وابناءك .مهملهم تدخل البيت مكشر تنكد على زوجتك عشاان الملح زاد شوية في الاكل .ابناء ك ان لعبوا اومرحوا قليل تصخاصمهم, وتضربهم على اتفه سبب.بيتك مانت داري عنه كل ماطلبوا منك شئ تقولهم وانت مكشر ماني فاضي عندكم السواق.السواق يوصل المدارس, السواق يقضي ,السواق يوصل زوجتك, السواق يودي المستشفى .مين رجل البيت انت والا السواق.

الانسان : يعني دحين انت سايب الناس كلها وجيني انا ,سايب المسؤل الكبير اللي مايمشي المعاملات الا بالرشوة .والمقاول اللي يتلاعب بارواح الناس عشان يوفرشوية جديد واسمنت ,وصاحب المطعم اللي يطبخ للناس السم عشان شوية فلوس ,والمدرس اللي مؤتمن على جيل بكامله وتاركهم كل يوم غياب وشرح بدون نفس والطبيب اللي يتاجر بصحة الناس وووووووو. سايب هدول وجيني انا ؟

الضميــر: انا لست ضمير هؤلاء ,.انا ضميرك انت .

الانسان: يعني كل لنسان له ضميره .

الضمير : نعم

الانسان : طيب ليش حضرتك ما تتعرف على ضمائر هؤلاء ةيصير زيهم وتريحني من هذه المحاضرة كل ليلة

.الضمير : بس هدول الناس ضمايرهم ميتة من زمان .

الانسان : هو الضمير يموت .

الضمير : نعم من اعمال بعض الناس تموت الضمائر.

الانسان : يعني هدول ماتت ضمائرهم وحضرتك قاعد ,روح ياشيخ ان شاء الله انت تموت كمان عشان ارتاح منك.

الضمير:كمان تتمنى موتي .صحيح اتقي شر من احسنت اليه.الانسان :تقول احسنت اليه .هذا تعتبره احسان كل يوم تجي وتقلقني وتطير النوم من عيني وتقول احسان .

الضمير: نعم احسان انا لوتركتك ,ماتدري ايش يصيرك .ان امنعك عن ظلمك لنفسك وعن اكل مال الحرام وعن اذية خلق الله .انا باختصار ابغى احميك من نار جهنم وعذابها .تقوم بدل ماتشكر ربك ان ضميرك لسه حي تتمنى موتي.

الانسان :اقولك انا عندي اللي يخلصني منك ومن كلامك ,السلاح اللي باستخدمه كل ليلة عشان اتخلص منك .
استدار الانسان الى الدرج بجواره واخرج منه علبة صغيرة وفتحها واخرج منها حبة وهم ببلعها.

الضمير: قف لاتبلعها هادي حبوب منومة تضرك وبعدين تدمن عليها وما تعرف تنام الابها وتجرك لمشاكل كبيرة لن تخرج منها .

الانسان :انت السبب ابغى اتخلص منك ومن عذابك .

الضمير :بس هذه ما تخلصك مني ,صحيح يتخليك تنام وتهرب مني ,بس مؤقتا اول ماتفوق تلاقين قدامك .الانسان* طيب كيف الحل معاك ابغى انام ابغى ارتاح .

الضمير :علاجك عندي.

الانسان عنك ؟ طيب حرام عليك ,دلني عليه ,بسرعة .

الضمير : وتقدر عليه .

الانسان :ان كان يخلصني منك اقدرعليه ,

الضمير : اوعدك انه هو اللي يخلصك مني ومن عذابي.

الانسان: بسرعة الله يخليك ,ماهو .؟

الضمير : اسمع . حافظ على الصلاة بوقتها . اتقن عملك واخلص نيتك لله . حافظ على بيتك واسرتك وارعى شؤنهم.تجنب الما ل الحرام واذية الناس .اتق الله في كل شؤنك .

الانسان: طيب خلاص من بكرة ان شاء الله .

الضمير: مافي شئ اسمه بكرة من الان.

الانسان : الان اخر الليل ابغى انام وبعدين لما اصحى .

الضمير : الان قم توضاء وصلي ركعتين في هذا الليل واسأل الله ان يغفر لك ويهديك .

الانسان :حالا.
توضاء الانسان ووقف للصلاة وصلى بهدؤ وخشوع .احس براحة لم يشعر بها قبلا , رفع يده للحي الذي لايغفل ولاينام,دعى ربه وسأله العفو والمفغرة والتوبة .احس بدموعه تنحدر على خديه حارة احس كأنها تغسل همومه .
شعر براحة كبيرة ذهب الى فراشه لينام ,التفت الى المنبه بجواره ,لاحظ التوقيت على الساعة السابعة والنصف ,اخدذ المنبه واعاد التوقيت على موعد صلاة الفجر, ووضع رأسه على المخدة ونام قرير العين