احلى شئ ......... وابيخ شئ لا يطوفكم

احلى شي *****

1- احلى شي لي وصلت الدوام متـأخر وتلاقي المسؤول ليلحين ماوصل الدوام

2- احلى شي اذا كبرتي المخده ومارحتي المحاضره وتدق عليج رفيجيتج وتقولج ان الدكتور ماخذا الغياب

3- احلى شي لي دقيت اول زقاره بعد الفطور برمضان واتنح وتسطل وتنام

4- احلى شي اذا كان موبايلج ايزي وتدقين على رفيجج ويقولج سكريه انا ادق عليج...حاتم الطائي الاخ بالكرم

5- احلى شي لي دقيتي على موبايل رفيجيج وتلاقين بريد صوتي وتشيرين لين تطيحين على الرقم السري

6- احلى شي لما تلاقي بوكك القديم وتحصل فيه اول صوره لك غتره وعقال ويمها رقمك مصفط مزهب....والله ذكريات

7- احلى شي لما تتعرفين على واحد حلوووووووووو وعنده موتر ويصرف عليج...ادري قمة الوناسه لووووووول

8- احلى شي لي قالولج ولادتج فتح بطن ولي صار موعد ولادتج تولدين ولادة طبيعيه.....احمدك ياااااارب

9- احلى شي لما تتعرفين على واحد وتحبينه ويتقدملج يخطبج من اهله.....لا تصدقين ترى مو صج بس جذي

10- احلى شي لي قعدتي بمطعم وقعد جبالج واحد مزيوووون ويخزخز فيج.....بيصير الحلج اد البلوطه من الذرابه

11- احلى شي وانت راجع من السفر بالطياره وتسمع صوت الكابتن المقموت يقول دخلنا الاجواء الكويتيه.....وطني حبيبي وطني الغالي وطني النجم العاااااااااااااااااااااااااااااااالي وطني

12- احلى شي لي بغيتي تحاسبين بالجمعيه ويكون اللي جدامج شهم وريال ويقولج تفضلي حاسبي قبلي

13- احلى شي لي رحتوا شله بنات فرايدززززز ويقعدون يمكم شباب قرعان وصاكتهم الشمس....يااااااااااي شوفي لونه الله يعافي تان الميدان

14- احلى شي لي سافرت مع قروب وكانت في بنت صاروووووووخ مستانسه عليك....اشكره قايل حق ابوها عمي

15- احلى شي لي قمت الصبح مستعسر بتروح المدرسه ويقولك ابوك اخمد اليوم عطله المولد النبوي

16- احلى شي لي رقمت بنت بالنت وتطلع صاروووووووووخ وعندها جيب بورش...طبعا موصج العاده جلنت

17- احلى شي لما تشيك على العرضي اللي عندك وتطلع ناسي يوم مو ماخذه...اشكره ثاني يوم طالبه

18- احلى شي لي سافرت بالطياره رحله طويله جك بم ولا يمك بنت حلووووووووه وخفيفه تقزر الرحله عليك

19- احلى شي لما تدور بالهدوم الشتويه وتلاقي عشرين دينار انت ناسيها من ايام الشتا...يامنت كريم يارب

20- احلى شي لما تكون يوعان حدكككك وتروح مطعم الديوانزززز (الديوان)وتاكل مرتدلا بالجبن وتشرب جعيص

21- احلى شي لما ينزل المعاش قبل وقته وتكحل عينك فيه قبل لا تسحبه الاقساط.....خنت حيلي والله

22- احلى شي لما ترد البيت بالليل تعبان وتلاقي زوجتك نايمه وتفتك من الحنه والقرقه والتحقيق

23- احلى شي لي قعدت يوم اليمعه ببيت على القنفه وحدك مفهي وتطالع الدسكفري عن عالم الحيوان...

24- احلى شي لما يخالفج شرطي وتتميلحين عليه ويعطيج رقمه ويطيح المخالفه وتكشتين فيه....اخاف صدقت بدق يابوضروس صفر

25- احلى شي لي غاب الدكتور عن اغلب المحاضرات عشان اخر الكورس يلغي نص المنهج

26- احلى شي لي رحت محطة البنزين ولقيت وحده حلوه تطق هرن والبنغالي نايم...من امه طاق الصدر بجم تبين اصبلج لووووووول والله شهامه عيال الديره

27- احلى شي لي رحت الحداق مع ناس ما تمون عليهم عشان ينزلون ويصعدون الطراد وانت مريح من هالسالفه الميلقه

28- احلى شي لي صار معاك بالدوام بنات 24 ساعه ريحه حلوه وعلى طول كاكاو وقرقيعان

29- احلى شي لي مر عليج واحد رزه وقالج انتي مال زواج....ادري تستانسون من داخل لوووول

30- احلى شي لي شريت اغراض وايد وتحاتي السعر وعند الكاشير يقولك في خصم عندنا يافندم

***** ابيخ شي *****

31- ابيخ شي لي وقفتي باشاره البحر وحاوطوج السياكل من كل صوب....لابسين خوذه بعد

يعني عيوني حلوه

32- ابيخ شي لما تكون معرس يديد ويتفل عليك ياهل غثيث من اهل زوجتك جدامهم كلهم...ادري ودك تذبحه

33- ابيخ شي لي ضافتك بنت بالمسنجر وتقولك سوري مشبهه على ايميلك....ليش ماما معاج بالثانويه ايميلي

34- ابيخ شي لي رحتي تحفين بصالون بيان عند كبرى وتلقين جدامج 3 عيميات بيحفون..نطري لي باجر عيل

35- ابيخ شي لما تبين تعدلين مكياجج في حمام الفنار حشاكم وتلاقين زحمه البنات عند الجام تقول صالون

36- ابيخ شي تشبكين من الدوام كل يوم وتتعرفين على واحد ويعطيج رقمه ويطلع ريلج....اوبسسسسس

37- ابيخ شي تروحين حق دكتور تجميل يطلع جيكر وتشكين هل هذا بيسويني حلوه ولا لا ....الله يستر

38- ابيخ شي لما تسوين غمازات بفلوس وعمليه وتطلع غلط ويصير ويهج جنه ويه يمني...اي ليش التعبث

39- ابيخ شي القرار الظالم اللي انظلم فيه نادي القادسيه واللي عمرنا ما سمعنا مثله من قبل..الشكوى لله

40- ابيخ شي لما تكون مرجع رفيجتك الكليه مالتها وحدك دايس واخر شي تصيدكم الكاميرا...العن ابو معرفتج زين

41- ابيخ شي لي ضحكتلك بنت ورحت تبي ترقمها وتقولك شفيك فلان ماعرفتني الله....هذي القطاعه وماتسوى

42- ابيخ شي يلحقج واحد وماتعطينه ويه وبعدين تشوفين صورته بمجله ليالينا ويطلع من عيال الهوامير..خيرها بغيرها

43- ابيخ شي تتعرفين على واحد يطلع ملييق كل سوالفه عن الحداق والكره

44- ابيخ شي تطلعين مع رفيجج بالسياره وتشوفين قلم حمره ويقولج انه مال اختي...شفييييه بو اختي

45- ابيخ شي تعطي وحده اهداء اغنيه وتندمج انت مع الاغنيه واهيا تسولف مع اللي يمها...ويعه ان شاءالله

46- ابيخ شي لما تاخذين هدايا من واحد وبعدين تتهاوشون وتهدون بعض ويتم يعايرج بالهدايا ملوته...فشله

47- ابيخ شي تروح حمام حشاكم ومايكون في غيره والناس ناطره بره ويطلع السيفون مخترب...انا اقول نام داخل اشرفلك

48- ابيخ شي تكون لابس من زارا وبالصدفه رفيجك يدش زارا واللي يشتغلون يخزونك يعني شاري من عندنا
49- ابيخ شي لي وديت صحون بيت رفيجك وامك تحن عليك مايبت الماعين من بيت الاوادم

50- ابيخ شي لما تقعد على كرسي في مكان عام ويطلع الكرسي راخي ويطلع صوت والناس اطالعك...يبه والله ماسويت شي

51- ابيخ شي لي دزيت ايميل حق وايد ناس ويطلع واحد مليق ايميله مفول....ويقول دزلي ايميلات بعد

52- ابيخ شي لما تروحين الصالون ويخربون حواجبج وانتي ناطرتهم يطولون عشان تضبطينهم

53- ابيخ شي لما تعلق القروبات وتقعد بدون ايميلات جنه المايه قراح بالنت

54- ابيخ شي لي سافرتي مع ريلج وجنطتج تضيع ويكون الاستشوار داخلها...الوايرات مالها والي

55- ابيخ شي لي سولفت بالنت مع بنت وقالتلك برب
لي ثاني يوم ...صكيه بلوك ابرك ليش التعلق

56- ابيخ شي لي صرت منشول وماكو كلينكس بالسياره...ياترفع راسك لي فوق لي البيت ولا جمك

57- ابيخ شي لما تكون مشتهي تشرب شاي ويفتر فيه الهندي ولما ايي دورك خالصه الاستكانات...حقاره محد يطوف

58- ابيخ شي لما تقط نكته ومحد يضحك ويتنحون ويقولولك قديمه سامعينها...ودك الارض تنشق وتبلعك

59- ابيخ شي لي كنت قاعد بمطعم وشكل عليك واحد اثول بلوتوث عباله بنت ياخي مكتوب كمبودي مو دانه ..

mkl

مع تحياتي لكم:قمروعسل

شكرا على الموضوع الرائع اختي

هلا

1 و 58 كشششششششششخة..

اي واللأ...

اذا المدير غايب كششششخة,,

وفشيلة لين تقولي شي ما يظحك..!

مشكوورة ع النقل الرائع

خخخخخخخخخخخخخخخخ

يسلمووو

قمر وعسل

على الموضوع

يضحك

يسلمو

قمر وعسل

شكرا ع الرد

يسلموووووووووووووو اختي علو الموضووووووووووووووووووووع الرائع

روعة الروعه

رووعه

حلو هالموضوع

يسلموو

تحياتي

» احلى شي وهو الصداقه...
» ][ احلى مافي الايام ][
» سيارات ولا احلى
» احلى كيك .... لاحلى اعضاء ....
» احلى الجزم البناتيه