يامة يامة (قصيده حزينه تقطع القلب والله )

بسم الله الرحمن الرحيم

قصيدة حزينه مررررررره تقطع القلب حبيت أن أنقلها لكم

وأشوف رايكم فيها

ـــــــــــــــــــــــــــــــــــــــــــــــــــــــــــــــــــــــــــــ

قصيدة كتبها شاب عمل حادث سيارة و والدته كانت معاه وكان مسرعا

نتيجة هذا الحادث

الوالدة توفت نتيجة الاصابات الخطيرة

و هو إصابته كانت خفيفة

و هذي الأبيات قالها للي يواسونه

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

...................................................
تقبلوااا خالص تحيااتي

أخوكم سيهااتي

والله الموفق

السلام..
روعه..
وابداع وفن...
ومؤؤؤؤؤثرة حييل

قتلت رعايتي بيدي قتلت الحب والرحمات

عور قلبي.
يسلموو

مشكور أخوي العزيز على ردك المتواصل

اهم شيء عجبك

وأشكرك على أحساسك الطيب
...........................................
يااااارب ياااااارب ياااااارب
خهكبخلتثكخصخك

ترحم أمي وأبوي برحمتك الواسعه

وترحم جميع المؤمنين والمؤمنات

أخوكم سيهااتي

والله الموفق

» ^*^ مسجات تقطع القلب ^*^
» *اطلب اي قصيده صوتية*
» قصيده لبنآآت يكرهون المدرسهـ **
» قصيده عربيهـ تعلمك الانجليزي
» قصيده في قمـــة الرومـــناسيه بـــس حزيـــــنه ....