رسالة إلى خادم الحرمين

حبيت أختبر اليوم هامش الحرية في المنتدى
> وأوجه رسالة للوالد القائد خادم الحرمين الشرفين (حفظة الله وأطال في عمره)
> من واجبات الأبووووه أن الأب يستمع لصرخات أبنه وضمه على صدره وإذابة كل آلامه
> والملك زي ابوي،، لأحد يتدخل بين أب وطفله
> @ @ @
> @ @ @
> ابشرك يا خادم الحرمين الأسعار مضبوطة والمواد الغذائية متوفرة
> ما نقصنا بس إلا الخبز يرفعون سعره
> وخذ عندك بعض الأسعار
> قشطة المراعي صارت 4 ريال
> حبة المظبي 22 ريال
> الكفرات ارتفعت 30 بالميه
> الأدوية 25 بالمية
> تخيل يا خادم الحرمين جبن كرافت والمراعي السايل ارتفع
> طيب وش نسوي لبزارينا المشكلةيقدرون الكرافت السايل مع الصامولي

> الببسي صار 20.5
> والأيجارات أرتفعت
> وقسايم المرور زادت
> الحمدلله على النعمه أمن وآمان
> الله لا يغير علينا
> حتى رز ابو كاس ارتفع
> لا وازيدك من الشعر بيت رزمة الكراث والبصل صارت بريالين
> شفت شلون حنا بنعمه
> @ @ @
> بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه
> ونعطي لبنان مليار ونص دولار
> ونرسل لمصر المعونه السنويه
> تعرف ماشاء الله حنا.. من كثر الفلل التمليك.. الناس صارو يأجرون ببلاش
> ممكن طلب طال عمرك.. ابي سلف 12000 ريال
> عندي دين اسدد فيه لي سنه ولا خلص.. كل شهر 500 ريال
> الله يرحم حالنا والله..
> @ @ @
> ابشرك طال عمرك
> قبل كم يوم حطم سعر برميل البترول الرقم القياسي وصار يباع بـ 99 دولار
> ورصيدي أيضا حطم الرقم القياسي في نفس اليوم وصار فيه 17 ريال
> الحمد لله شفت كيف أنا بخير
>
> @ @ @
> أحب اطمنك صرنا نسوي رجيم غصب عنا
> تعرف اللحم ما عاد نعرفه
> حتى الدجاج ما عاد نأكله
> صرنا رشيقين
> تسمع بالكرش ما عاد نشوفها
> تسمع بالبطن اللي لاصق في الظهر
> يوووووه في كل مكان نشوفه
> نم قرير العين الشعب بخير
> لاتتعب نفسيا ودور في النت توأم تفصلهم
> توائمنا ليش ينفصلووو
> صلة الرحم زينه خلهم يتشابكون طول العمر
> يمكن لو فصلناهم يتهاوشون ويفترقون
> خلهم متشابكين في جسد واحد
> الله لا يغير علينا
> @ @ @
> ابشرك طال عمرك شعبك تطور
> استبدل البكاء بطعم الملح ببكاء بطعم الدم
> آآآآآآآآآآآآآآه يا حلو مذاقه
> ودك تجربه؟؟
> انا أقولك وشلون
> نظف منزلك من حليب الأطفال
> نظف جيبك من الفلوس
> نم ومخباك فاضي
> خل زوجتك تصحيك من النوم قبل الفجر
> وتقولك أن طفلك ما عنده حليب
> دق الشماغ ولف على جيرانك
> دور سلف.. علشان تشتري حليب لطفلك
> الجميع بيطردك لأنهم طفارى
> انس انك ملك وأرجع للبيت
> بتدخل على أنغام بكاء طفلك
> عندها ستحتقر نفسك وانت عاجز عن اشباع طفلك
> عندها ستلعن اليوم اللي انولدت فيه
> عندها ستلعن اليوم اللي انولد طفلك وصرت مسؤول عنه
> عندها ستضمه وستبكي من القهر
> ستنزل دموعك وتحس بطعم الدم في حلقك
> @ @ @
> تذكر طال عمرك يوم حنا صغار وش كانو يقولون لنا
> كانو يقولون الرجال ما يبكي
> عيب تطلع دموعه
> صرنا نصيح عادي
> البكاء صار ملازم لنا
> والسبب كومة لحم (أطفال ونساء) في رقبة الواحد
> يبكي لأنه عاجز عن توفير الحياة الكريمة لهم
> @ @ @
> بس ودي أقولك شي قبل ما أروح أصيح
> تدري وش معنى الرجل يبكي قدام زوجته وأطفاله
> معناها تساقط كل قيم الرجولة اللي تعلمناها في طفولتنا
> معناها إحساس المرأة بالانكسار وعدم الأمان
> معناها خنوووووع ما بعده خنووووع للظروف القاسية اللي وضعنا فيها
> معناها أمور كثيرة ما راح تفهمها..
طبعاً هذي الرساله جتني على الاميل فحبيت أنقلها لكم
والله الموفق

يسلمو سيهاتي عالموضوع

وكلمات مؤثره جدا

بس لو يسمعنا

يعطيك العافيه

ولا يحرمنا من مواضيعك الحلوه

مــــيــــــرســــــي أستاذه كبرياء طفله دمتي بألف خير
والله الموفق

كلماات مؤثرة وتعبر عن الواقع المـــــر

الصراحة احنا القادرين ونستغلي الحياه

عجل كيف الفقراء

الله يساعد الكل بس

يسلموو ع الطرح

تحياااتي

شكرا دمتي بألف خير ياأستاده اسيرة القلوب

لا اعلم ما اكتب..
انهارت دموعي مع الاوصاف والكلمات الحزينة التي تختبأ وراء ستار الصمت..
لتأتي هذه المقالة مفجرة كل حيطان الصمت...
بوركت يداك على النقل الذهبي

شكراً مديرنا
وهذا يدل على صدق أحساسك
تقبلوا جميعا شكري لكم

سيهااتي

كلماات في قمة قمة الررروعة

يعطيك الله العااافية....

شكرك أستاذه دلوعة ابوها
وهذا كلامك يدل على صدق أحساسك

تقبلو تحياتي للجميع
والله الموفق

يسلموووووووووووووو على الموضوووووووووع الرائع

» رسالة شكر
» رسالة الى من تحب
» قصيدة رسالة الى كربلاء
» رسالة من وراء القبر ... الى ساكني الارض
» رسالة خاصة للمتصفحين بدون ردود